ГӀалгӀай мехка дагалаьцар Россе Турпалхо Боканаькъан Мустафа
СоагӀапча Боканаькъан Мустафайна хетаяь кхетаче дӀайихьар, валарца дувзаденна, цунна Российски Федераце Президента Указах Россе Турпала аьнна цӀи елар, яхаш, дувц «Сердало» газетага «Даьхен Лорбой» яхача гӀалгӀай лоадама ганза филиале.
«Цига гулбелар, шоай мехкахой дагабоха, цар сий де. Кхетачен хаьший бар ГӀалгӀай Паччахьалкхен лакхарча дарже латта викалаш, тайп-тайпарча доал деча доакъош тӀара кулгалхой, паччахьалкхен къахьегама моттигий викалаш, веннача бӀухочун нана Боканаькъан Марем.
Кхетаче дӀахьош, «Седкъа» яхача Гуманитарни моттиго, СоагӀапча (Боканаькъан Мустафа ваьча юрта) 42-ча гвардейски мотострелкови дивизе 71-гӀа гвардейски мотострелкови сура командирах дола документальни фильм гойтар», - аьлар «Даьхен Лорбой» яхача лоадама ганза кулгалхочун гӀончас Новрбенаькъан Фаринас.
Эпсара иштта Денала орден, «Майрал гойтарах», «ТӀема сийле» яха хьалхара дозал дола, «ТӀема даькъ тӀа белгалваларах» яха 3-гӀа дозал дола майдилгаш я.
