Байна ОМОНа болхлой дагалаьцар республике
Шоай декхараш кхоачашдеш латташ, вахара никъ хаьдача ОМОНа болхлой цӀераш дагалаьцар республике. Из хоам «Сердало» газетага бир ветераний союза болхлоша.
«Шолжа шахьарерча культуран цӀагӀа дӀахьош хиннача кхетаче дакъа лоацаш бар тӀема ветеранаш, тӀема операцен ветеранаш, тӀема операцен Ерригача Россе оагӀонна кулгалду Панчурин Олег, цун гӀонча Мажецкий Сергей, депутаташ, иштта кхыбараш а. Панчурин Олега доккха баркал аьлар, тахан вахаре боацача, деналца лаьттача къонгий цӀераш йиц ца ерашта, тӀема операцен доакъашхошта гӀо деш барашта. ТӀема ветеранашта майдилгаш, баркал оалаш каьхаташ дӀадийкъар цо», - йоах тхогарча хоамо.
Иштта Панчурин Олега майдилгаш енна белгалбир юртбоахама гӀулакхах йолча министерствонна кулгал деш вола Гаьгенаькъан Мухьмад, унахцӀенон министерствонна хьалха латта Антошканаькъан Зарема.
