Белгалде деза, Ӏаьдала болхлой бахархошцара бувзам чӀоагӀбеш, иштта йола кхетаченаш республике массахана дӀакхухьаш латтилга. Цу гӀулакха керттера декхар - бахархошта, Ӏаьдала болхлошта юкъе бувзам хилийтар.

«Кхетаче дийцар тахан бахархошта эггара чӀоагӀагӀа къувлаш дола дешаш. Царех да наркомани яхача доккхача зулама духьала ма могга къовсам лоаттабар, наькъашкара бокъонаш лораяра тӀехьа кагирхой тӀахьехар, интернете гӀолла карарча хана даьржа латтача зуламех лоравалар, иштта кхыдараш а», - дийцар «Сердало» газетага МВД болхлоша.

Юртарча боккхагӀбараша теркалдир, Ӏаьдало бахархошца даиман бувзам лоаттабар дуккхача моттигашкара хьал аттачахьа доаккхаш, пайда бахьаш долга.