ГӀалгӀайче новкъостал ду СВО ветераний дезалашта
16.01.2025 10:43
ГӀалгӀайчен «Даьхен лорбой» ганза каст-каста новкъостал лоаттаду лаьрххӀа йолча тӀема операцен доакъашхой, ветераний дезалашта, яхаш, дувц «Сердало» газетага цу ганза зарбан болх лелабераша.
«Укх деношка ганзо кхоачашдир, лаьрххӀача операце ветерана, ГӀажарий-Юртарча Ганенаькъан Мухьмада фусам-наьна дехар. Из яр дарба эшаш. Из хаттар вахара хьашташка хьожаш волча сага тӀадихьар, Шолжа кхален керттерча дарбанчен лорашта. Цу дийнахьа из дарба де Ӏоюжайир», - аьлар тхога баьча хоамо. Ганенаькъан М. баркал оал ганза болхлошта, иштта сиха новкъостал дарах, дӀахо а цар балха тӀа аьттув хилар ловш.
