ГӀалгӀай мехка 2024 шера судаша баьча балхах дийцар
ГӀалгӀай Республикан лакхерча суде йоккха кхетаче дӀайихьар, цига дийцар 2024 шера федеральни мировой судахоша баьча балхах. Цига дакъа лоацаш бар лакхерча Ӏаьдала болхлой, цу даькъе Керттера федеральни инспектор, республикан прокурор, яхаш, дийцар «Сердало» газетага цу моттиге.
ГӀалгӀайчен Лакхерча суда председатела ГӀазданаькъан Ӏийсас цу юкъа шоаш баьча балхах дийцар, цо белгалдир, 2024 шера судахоша 96 эзар гӀулакх техка хилар, уж 30 эзар гӀулакх дукхагӀа да лурчогӀа хинначул. Цо белгалдир, керттера балха дакъа, дика а сиха а гӀулакх техка даккхар хилар, суда болхлошта тӀалатта дукъ доккха дале а.
«Техкача гӀулакхашта юкъе дар 70422 граждански а, иштта административни бокъонаш телхаяь хиларца дувзаденнараш а. ДукхагӀа даьржа хинна гӀулакхаш дар наха юкъе нийслуш долча цатоамех латташ, иштта кредиташца дувзаденнараш, фусам-дай шоайла дӀа-юха къасташ хиларца дувзаденнараш», - аьлар кхетаче.
Иштта белгалдир, суда болхлоша шоай болх дӀахьош хилар ма хулла нийсхон тӀехьа а кердача технологей ларагӀа.
