ГӀалгӀай мехка Коталон 80 шу дизара хетаяьча бокса яхье толашбараш котбаьлар
ГӀалгӀайче чакхъяьлар боксёрий республикански яхь, из хетаяь яр советски эскаро немце-моастагӀа эшаваь 80 шу дизара.
Физически культуран, спорта Министерствон зарбан болх лелабеча ГӀаппархой Аишас яхачох, цу яхьашка дакъа лоацаш вар 30 - 90 кг кхаччалца дозал дола 100 спортсмен.
Лакхара совгӀаташ делар Ведажанаькъан Ахьмада, Йовлой СаӀид-Амина, Овшанаькъан ИбрахӀима, Исмейланаькъан РахӀима, МутаӀаланаькъан Мухьмад-Басира, Ӏелджаркъанаькъан Мухьмада, Шовланаькъан Абу-Бакра, Хамхой Ӏумара, Мержой Тамерлана, Иленаькъан Ахьмада, Ювсапанаькъан Мухьмада, Балай Ахьмада, Налганаькъан Сайфуллайна, Чаненаькъан СалахӀудина, Овшанаькъан Исроапила, ГӀазгиренаькъан Ахьмада, ГӀазданаькъан Ӏалаудина.
Белгалду, уж яхьаш дӀайихьар Наьсарерча Республикански боксах йолча олимпийски резерва спортивни ишколе.
