Къахьегарах даьлла декхар дӀаделар
Прокуратура юкъееначул тӀехьагӀа, дӀаделар 1,3 млн сома маьха балхаш дарах даьлла декхар, яхаш, дийцар «Сердало» газетага мехка тӀахьожам лоаттабераша.
«ГӀалгӀай Республикан прокуратуро тӀахьожам лоаттабу, паччахьалкхен а муниципальни а контрактах доагӀаш дола ахча дӀадалара бокъонаш лорайой хьожаш.
ГӀалгӀай Республикан дешара шин моттиго кхачан даараш, концтовараш, ГСМ, ишкола чухьнахьара лостам лелабар, нувхаш дӀаяхьар, программа Ӏалашо лоаттаяр чудоагӀаш яь чӀоагӀо яр. Из деррига а къаьсттача болх лелабераша кхоачашдаьдар. Бакъда шоай ханнахьа баьча балхах доагӀа ахча дӀа ца луш дисадар. Цу тайпара, ялх боахама декхар хьаӀайнадар 1,3 млн сом», - йоах хоамо.
Прокуратуро деррига техкачул тӀехьагӀа, къахьийгарашта доагӀаш дола ахча дӀаделар, цар бокъонаш меттаоттайир.
