ГӀалгӀай мехкара тохкамаш дераш сийленгашка бӀарглокхаш ба
26.04.2025 18:51
Сийлахьча Коталон 80 шу дизара хетаяь кхетаченаш дӀахьош, «Дагалоаттам» яхача тохкама балхаш деча тоабан студенташа шоатта ди дӀадихьар МагӀалбика кхален Вежарий-Юрта. Цига, гуржий къаман 4-ча фецарча эскара летчикашта хетадаьча дагалоаттама сийленга гонахьа лостам бир. Цох дийцар «Сердало» газетага ИнгГУ зарбан болх лелабераша.
«Из лоархӀаме хинна дӀаоттаргда турпалхой дагакхабара гӀулакха юкъе, оаха берригаш а бех цу лоархӀамеча кхетачене дакъа лаца», - аьнна кхайкарал дир республикан керттерча вузе.
Белгалду, из сийленг юха меттаоттадаьд, Российски кагирхоша гранташца хьаллоацаш хиларах. Кастлуш, бекарга бетта 30-ча дийнахьа, из лаьрххӀа хьаделларгда.
