ГӏалгӀайчен полицейскеша 10 шу даьннача кӀаьнка дагалаьттар кхоачашдир
ГӏалгӀайчен полице болхлоша новкъостал дир Илдарха-ГӀалий тӀа вахача итт шу даьннача дешархочунна Мухьаммеда дагалаьттар кхоачашде. Республике гӀолла волча чурча гӀулакхий Министра Коробкин Михаила аларах, кулгал дара тайп-тайпарча болхлоша, наькъа-патрульни гӀулакха викалаша цу кӀаьнка лаьрхӀа кхетаче вӀашагӀъеллар, яхаш, хоам бу «Сердало» газетага.
Мухьаммед хала лазар долаш ва, цо хьалхара бистар, шийна тӀабийха, полицейске гӀирс, чӀоагӀа гӀадвахар из цу гӀулакха. Цул тӀехьагӀа, бокъонаш лораераша шоай балха машинаца Илдарха-Гӏалий тӀа гӀолла йолча МВД ДПС даькъе вигар из.
Ше цига хиннача юкъа, цунна байзар патрульни машина чура гӀирс, кхыметтел инспекторашта хьалхара водитела каьхаташка а хьежар. Из ди цунна чӀоагӀа дегагӀозале яхьаш дар, гӀадвахар дицлургдоацаш чӀоагӀа дар.
