40 эзар совгӀа ахча лочкъадаь зуламхо лохаш да Ӏаьдал
06.03.2025 12:58
Интернете гӀолла зуламхоша 40 эзар совгӀа ахча лочкъадаьд, вай мехкарча яхархочун. Из хоам «Сердалога» бир Ӏаьдала болхлоша. Интернете гӀолла йохка оттаяь хинна 41 эзар 255 сом доаккхаш хинна домгулберг эца лаьрхӀа ахча дӀатӀатессад кхалсага, бакъда е ахча а е домгулберг а йоацаш йисай.
«Полице болхлой из гӀулакх тохкаш ба. Бахархошка даггара кхайкарал деш, хьадоагӀа Ӏаьдал, боккъал а малаш ба ца ховча нахагара интернете гӀолла хӀамаш ийе ма гӀерта, царца бувзаме ма дувла, кӀезига уйла еш хила оашош леладеча хӀаман, ма Ӏехадайта шоаш зуламхошка, фийла хила, яхаш», - дувц хоамо.
Нагахьа шоашта из тайпара тийшаболх хиннабале, Ӏалаьмате чехка гӀо МВД болхлой болча.
