«Фоартах урс деттарах, дукха човнаш хинна 41 шу даьнна мехкахо Ӏочувоалавир Наьсарерча реанимаце, укх бетта 10-ча дийнахьа бус итт сахьат даьлча. Кхы хьа ца кхеташ, вахар хаьдар цун. Сиха оарцагӀбаьннача МВД болхлоша хьалаьцар из зулам даь 47 шу даьнна Наьсарера вахархо. Гучадаьлар, сага унахцӀенон зе дарах из хьалха суд яь хилар.

ГӀайрбик-Хьажий цӀерах болча урам тӀа из зулам даьр ше хилара дарий дир цо», - йоах МВД болхлоша. РФ 1-ча даькъа 105-ча статьях (саг верах) бехктокхаме озаргва зуламхо.