Вахара бувзамашкара хьал тохкаш хиннача Наьсаре гӀолла йолча Россе ОГИБДД ОМВД болхлоша зийра, геттара воча тайпара наькъа бокъонаш телхаеш вола «ВАЗ-2101» автомобила водитель.

Цу сахьате уж цига дӀакхаьчар, царна корайир из машин. «Жигуле» тӀа ваьгӀар моттигера къона вахархо вар. Цун автомобиль полице дӀаоттайир», - аьлар ГӀалгӀай Республике гӀолла йолча МВД.

Массанена унзара хьалаш хьакхоллаш хинна водитель административни бехктокхаме эзав, РФ КоАП дӀадеххача беса.

Хоам бу, шахьара даькъ тӀа цхьоагӀо а лостам а хургболаш, иштта ДТП хургйоацаш, ца хаддаш болх беш ба бокъонаш лораераш. Цар аргӀанара кхайкарал дир автомобилашца леларашка, бехктокхаме, хӀаман хьисап долаш хила, ПДД боарам нийса лелабе, шоашта а наха а кхерамедар ца леладеш, аьнна.