2003 шера аьтинга бетта 3-ча дийнахьа, Российски Федераце Президента Амарах, денал гойташ еннача Ӏарапхананаькъан Марема Россе турпал аьнна цӀи елар.

2002 шера ГуржегӀара ӀойоагӀаш хинна халкъашта юкъерча террористий тоаба чуяьлар Галашка.

Бийса хиларах, зуламхой кхаьч-кхаьчача катоха болабелар юрта. Ӏарапханаькъан коа чубаьлар уж. Цар деча татах араяьлар фусам-нана, уж лелхабе йолаелар из. Лоалахошта хозаргдолаш, геттара цӀогӀа хьокхаш яр кхалсаг. Цар лочкъаяь хӀамаш хьайоахаш, духьалъэттар из царна. Цо хьекхача цӀогӀах, араваьлар цӀен-да.Из юхатоха дагахьа, моастагӀаша цун цӀен-даьна герз тӀахьекхар, бакъда юкъеийккхача Марема кхийтар из. Юртхой оарцагӀбаьнна, хьалийцар зуламхой, царна хетар чакхдаланзар», - аьлар ГӀалгӀай Республикан Миннаца болхлоша даьча йоазон тӀа.

Марем елар, ший дезал ӀотӀа а хьежаш. Из яьяр 1963 шера Оалкама. 1996 шера денз Галашкарча берий беша болх беш яр из. Дукха дезар цунна ше кхедеш дола бераш.

Из хиннай безаме, массахана елаенна юхь йолаш, Ӏимерза.