СВО ветераний Ассоциаце баь барт
ТӀема операце ветераний Ассоциаце бувзам чӀоагӀбаьб «Даьхен лорбой» яхача ганза республикерча филиалаца.
«Шоайла бувзам чӀоагӀбаь цхьана болх дӀабахьа лерхӀача моттигашта хьалхашка латта керттера декхар - тӀема доакъашхошта, цар дезалашта гӀо лоаттадар. Яьча чӀоагӀонах тайп-тайпара кхетаченаш дӀакхухьаш, тӀема операци латтачара цӀакхаьчача бӀухошта юкъарча моттигашка дакъа лаца, цхьацца гӀулакхаш леладе новкъостал деш хила беза уж», - йоах тха газетага «Даьхен лорбой» яхача ганза болхлоша.
Филиала кулгал деча Оздой Муслима белгалдечох, боккха болх ба цхьана дӀахьоргбар, юридически оагӀонцара гӀо дар, болх бе моттигаш хилийтар, иштта кхыдараш юкъе долаш.
«Даьхе, машаре вахар лорадеш лаьттача бӀухошта боаггӀача боараме новкъостал лоаттаде аьттув хургба аьнна хет сона тхоай», - аьлар цо.
