Бӏухой дезалашта гӏо деш ба вай мехка
03.12.2025 09:41
Тӏема операце доакъашхой тӏаийбеш, цар вахарера кхоачамбоацараш тохкаш ба «Даьхен лорабой» яхача ганзе. Из хоам «Сердалога» цу моттигера бир.
«Юридически оагӏонца дувзаденнараш тахка аьттув баьлар наьха; «Даьхен лорабой» яхача ганзо, республикерча Юридически бюрос, юстице Министерствос цхьана дӏайихьача кхетаче. Паччахьалкхенгара шоашта хьадоагӏар фуд тахка безам болаш бар нах», - йоах тхога кхаьчача хоамо.
«Тахан аттача хьале боацача наха эшар, дезар фуд ха, царна могаш дола новкъостал де аьттув хул ишттача кхетаченашка гӏолла», - белгалдир «Даьхен лорабой» яхача ганза кулгал деча Оздой Муслима.
