ГӀалгӀай мехкарча Россе вахара ганзо болх баьча моттигашкара каьхат дийхар цунгара, къахьегама книжка тӀа латтар теркаме ца лоацаш. Суде чуделча а аттачахьа ца доалаш, дӀахделар цун гӀулакх. ОрцагӀваьлар сага бокъонех вола викал.

«ДӀадахача шера суде чуденнадар кхалсага из гӀулакх. Россе вахара ганза Волгоградера оагӀуви вай мехкара моттиги пенси ше хиннача беса юха хьадоладалийта декхарийла бир; бакъда республикерча СФР оагӀоно Лакхерча суде юха чуделар из гӀулакх», - дийцар «Сердалога» вайцигарча УПЧ вагӀача моттиге. Суде ший бокъонаш меттаоттаергйолаш, гӀо дир кхалсага сага бокъонех волча викало. Цун оагӀув хьаллаьцар Лакхехьарча судо. Пенси меттаоттадир, цул совгӀа соцадаь 200 эзари 600 соми хьаделар.