СВО доакъашхочун дезала новкъостал дир
«Даьхен лорбой» яхача моттигерча ганза болхлочо новкъостал дир СВО доакъашхочун дезала. Ӏарапханаькъан Мухьмад сиха оарцагӀваларах, ТӀумхой кердача цӀагӀа электромонтажни болх дӀабихьар, яхаш, дийцар «Сердало» газетага ганза зарбан болх лелабераша.
Карарча хана Даьхе лораеш латтача ТӀумхой Хаважа, ше СВО вахалехь хьалдоладаьдар из цӀа. ТӀом хьайначул тӀехьагӀа, дуккхадар юкъахдисар цу цӀен. ЦӀагӀа цхьацца эшаш хиларах, бӀухочун нана Султана Зинаида массехк паччахьалкхен урхалленашка яха хилар. Цунна новкъостал дир «Даьхен лорбой» яхача ганза, вахарца дувзаденна гӀо дарах вола Ӏарапханаькъан Мухьмад хьалхаваларах.
Шин дийнахьа ТӀумхошта новкъостал дир ток чуюллаш, ше-ше свет лелаеш дола улг дӀаоттадеш.
Кхалсага баркал аьлар шийна гӀо даьчунна, иштта ганза тоабанна, цар ше дӀатӀадихьа гӀулакх кхоачашдарах», - аьлар хоамо.
Белгалдаккха дезаш да, ТӀумхой Хаважа, СВО дика дакъа лоацаш хиларах, Жукова орден енна хилар.
