Ерригача Россе яржаш йоагӀа «Мега кхетаченаш» яха проект я вай мехка дӀахьош
03.10.2024 10:04
«Мега кхетаченаш» яхача ерригача Россе дӀахьоча проекто дешархошта аьттув лу тайп-тайпара начӀал дола нах бовза. Из хоам «Сердалога» бир «Хьалхарчар болам» яхача оагӀоно. «Наьсарерча № 21 йолча ишколе бийха хьаьший бар «Бералла наькъаш» яхача проекта кхоачашъярга хьожаш вола Колой СаӀид, шахьаре из гӀулакх леладу Яражанаькъан Адам.
КӀоарга начӀал дола бераш гучадахара тӀехьа дӀакхухьача яхьашца, проекташца дувзаденнараш дайзар берашта царгара.
Массанена пайдане, беркате хургдола гӀулакхаш доаржадара никъ мишта дӀаболабе беза дийцар царга хьаьшаша.
«Цу тайпара кхетаченаш йола кхетачеш кхувш латтарашта геттара эшаш я, дукха хӀама довза аьттув лу цар, шоай дагалаттар кхоачашде мишта дӀаболабала беза хов»,- аьлар Яражанаькъан Адама.
