ГӀалгӀайче юкъейоалаеш я «ГӀатта!» яха проект
ГӀалгӀай мехка яржаш я «ГӀатта!» яха проект, цун маӀан да спортивни дронографи, FPV - гӀаттар кагирхошта юкъе дегӀадоаладар, цу юкъе да-нана доаца бераш, могашал яйна бераш да, яхаш, дийцар «Сердало» газетага из проект дагаехача Налганаькъан Муслима.
«Проекто лаьрхӀачох, цу гӀулакха вӀашагӀъеллача тоабо говзанч-хьехамаш дӀахьоргда, ер шу чакхдаллалца из хургья йиъ дешара моттиге, иштта Юкъерча Ачалкхерча могаш доацача берий ишколе-интернате.
Цул совгӀа, из болх лелабераша лаьрхӀад дешархошта из гӀулакх дикагӀа довзийтара дронографеца, FPV-гӀаттарца дувзаденна дешар дӀадахьа.
Юкъара дӀалаьрхӀача,15 говзанч-хьехамий классашка, 300 совгӀа лакхерча классашка дагӀача берашта довзаргда гӀатташ йолча аппаратах керттера ха дезар», - аьлар кепайоазон болхлошка.
