Моттигерча вахархочо дехар даьчул тӀехьагӀа, токацара хьал тоадир
18.02.2025 16:52
Даби-Юртарча вахархочо дехар даьчул тӀехьагӀа, дика дӀабихьар токацара хьал тоадара болх. Дукха ха яр уж цу хьала латкъаш бола, яхаш, дийцар «Сердало» газетага кхален администраце.
Иштта МагӀалбика кхален кулгалхочо Къоастой Ӏаддал-Хьамида тӀадиллача декхарах, Чахкенаькъан цӀерагӀча урамах чубиллар СИП 4*35 бӀоахал 300 метр бола токасаьрг, иштта трансформатор а хийцар.
Из проект кхоачашъярах таро хилар дукхача хана денз латташ дола хаттараш юкъера дIадаха, цу юрта бахача наьха токацара хьал аттача а доаккхаш.
Кхален кулгалхочо белагалдир, нахацара бувзам лелабеш хилар лоархӀаме долга, иштта мара таро хургьяц доал деча даькъ тӀара наьха вахара хьалаш тоаде.
