Ярмарка цхьа ди тӀехьаяьккхай
05.04.2024 09:46
Тахан дӀаяхьа лаьрхӀа хинна Рамадан беттара ярмарка, кхоана дӀахьоргйолаш, тӀехьаяьккхай. Из хоам «Сердалога» бир мехка кабмино.
«ЦӀи йоаккхарг мел бола кхача, ялат дохкаш йола ярмарка хьежаргья ший эцархошка Магасерча Аланий коанашарашта юхе», - йоах тхогарча хоамо. 9 сахьат даьлча денз 12 сахьат даллалца, хургья из.
Белгалде деза, тӀехьарча шерашка даьржа из гӀулакх, вай мехкахошта геттара дезаденнарех долга; хӀана аьлча ярмарке, базар тӀа хулачул, дикка дарегӀа эца йиш я моллагӀа хӀама.
