Мехктохкама музейна керда гӏишло хьалъергья
Йоккха проект дӏайолаергья тӏадоагӏача шера Магасе. Малсаганаькъан Тухана цӏерах йолча музея лаьрхӏа керда гӏишло хьалъергья. Вай къаман исторе, культуран оагӏонца лоархӏаме проект я из. «Карарча хана кийчон балхаш дӏадоладаьд музей хургйолча моттиге. Магаса 17-ча кхален доазон тӏа хургйолча музея каьхаташцара болх кийча ба.
Бекарга бетта 1-гӏа ди отталехь, из проект дӏахьоргйола тешаме бола гӏишлонхой къоастабергба», - дийцар «Сердалога» мехкарча Паччахьалкхен болхлоша. Шозза вӏаштӏаръяь хургья музей чуйола гӏишло. 220 моттиг йолаш кхетачен зал, 10 000 книжканна лаьрхӏа библиотека, йоккха гойтама зал, таханарча хано дӏадеххача тайпара йола беррига кхоачам лоаттабу моттиг, 70 моттиг йола кафе, иштта кхыдараш а хургда цига.
Къаман ӏадаташца дувзаденнараш юкъелоацаш, хьалъе лерхӏ музей. Керда музей таханарча хано дӏадеххача тайпара, деррига теркалдеш хьалъяь хургья.
