Вайцига маьлха электростанци ергья
ГӀалгӀай мехка маьлхаца лелаю электростанци хьалъергья, цо таро лургья вай республика экологически дегӀайоалаяра, яхаш, дийцар «Сердало» газетага ГӀалгӀай Паччахьалкхен, Кулгалхочун зарбан болх лелабераша.
«2023 шера нормативно-бокъоний даькъ тӀара хьал юхасоцадаь хиларах, 375 млн сома мах бола проект дӀайолаяьяле а, тӀехьайоаккх 2025 шерага кхаччалца. Оаха инвесторашца дика къахьег, хӀанззе а кийчон балхаш дӀадоладаьд, цу юкъе да лаьтташ мукъадахар, инвестицей проекташ харжара эша хьал чӀоагӀдар», - аьлар хоамо.
Иштта белагалдир, цу проекто экологически хьал тоадарал совгӀа, экономика даькъ тӀа лоархӀаме пайда а бергба: хьежаш ба тӀехьара тӀа пхийтта шера доагӀа йоалан ахча 68,7 млн сом хьакхачарга, 20 балха моттиг хьакхолларгья гӀишлон болх дӀахьоча юкъа. Из гӀишло хьалъяь яьнначул тӀехьагӀа, 13 сага массазара болх хургба.
