«Цу оагӀонцарча балхах дувцаш, къамаьл дир кхетаче Тополева-Солдунова Еленас. Иштта болча оагӀоно дикка гӀо дергдар мехкара ахчанца дувзаденна доаца доакъош доаржадеш», - йоах хоамо. Тополева-Солдунова Еленас баркал аьлар вай мехкахошта кхоачамбоацарех, кхыдолча мехкарча гӀулакхех цхьаккха хӀама къайла ца хьош, ма дарра дувцарах. Ахчанца ювзаенна йоацача моттигашта терко ергйолаш, Россе Юкъарча палато республикан кулгалхошта деррига дӀадовзийтаргда, аьнна, белгалдир цо.

Республикерча юкъара болх бечарна пайдане хургдараш хьалхадаьхар цо - балхаца дувзаденна хоамаш дӀа-хьа хайтар, гранташцара дехар оттаде Ӏомабелар, проекташца дувзаденна кердадараш юкъедахар. Тароний моттиг мехка хьайийллача, НКОца дувзаденнараш федеральни говзанчаша хьехаргда.

«Дзурдзуки» яхача историко-географически моттиге шийна дайнача, къаьнарча хана денз хьадахьача, таханарча ханаца хеттача гӀулакхех дийцар Еленас.

Иштта дӀахьоча балхо хьагойт, къаман Ӏадаташ таханарча хана пайдане долаш, эшаш долаш мишта лораде йиш я.