ТӀема операцена юкъе, вахар хаьдар вай шин мехкахочун
05.05.2025 11:50
СВО вахар хаьда ши бӀухо дӀаволлаш таьзеташ эттар вай мехка. Из хоам «Сердалога» бир «Даьхен лорбой» яхача ганза болхлоша. Даьхен гӀулакха лаьттача Булгучанаькъан Элисхана таьзете ваха хилар МагӀалбикерча администрацена кулгалду Галай Муса.
Мехкадаьгара кодам бийца, гӀо деш дайта ахча дӀаделар цо. СагӀийна де бежан дигар цига Галай Мусас, моллагӀа хӀама эшаш хуле хьайистхила, аьнна, къамаьл дир бӀухочун цӀагӀарча нахаца.
ШоллагӀа таьзет Запорожски областерча 503-ча мотострелкови полка юкъе хиннача 35 шу даьннача Мержой Ӏаьлий коа, СоагӀапча эттар. ЦӀен-нана, ши бир дисад Ӏаьлий. Мехкара хьакимаш гулбеннабар воӀ дӀаваьнна сагото кхаьчарий дог хьоасташ йистхила. Даьхен гӀулакха лаьтта бӀухой бицбе бокъо яц вай цӀаккха!
