ГӀалгӀайче таьзет хилар, СВО венна бӀухо Келаматанаькъан Хьажмурд дӀаволлаш
Шолжа кхален Галашка тахан таьзет хилар, бӀухо Келаматанаькъан Хьажмурд дӀаволлаш. Из велар, Донбасс лораеш Россе дӀахьош йолча лаьрххӀача операцен юкъе.
Денал долча гӀалгӀай зӀамсага дизза кхоачашдир шийна хьалхашка лаьтта тӀема декхар, ГӀалгӀайчен сийдолча къонгашта юкъе денал гойтарех волаш, йисар цун цӀи исторен оагӀон тӀа.
«ГӀалгӀайчен мехка дукха ба сийдола къонгаш. АллахӀо барт болба вай къаман юкъе, ер этта йола хала ха, наха хулаш бола Ӏоткъам, диканца бекхам беш, чакхбалба», - аьлар Келаматанаькъан Хьажмурда гаргарча наха.
Цун таьзета Галашка баьхка хилар дукха нах. Царна юкъе вар ГӀалгӀай Паччахьалкхен кулгалхочун гӀонча вола Йовлой Мухьмад.
Келаматанаькъан Хьажмурда ший вахар дӀаделар Даьхен гӀулакха, вай кхоане лораеш лаьттар из, моастагӀчоа духьала цу тӀема хьалхарча мугӀарашка. ГӀалгӀайчено а ерригача Россе а доаккхал де йиш йолаш; денал, майрал гойтар цо.
