ГӏалгӀай мехка дешарца, дешара наькъашца ювзаенна керда центр хургья
Кастлуш, ГӏалгӀай Республикан доазон тӀа дешарца, дешара наькъаш хьехерца ювзаенна центр, модульни гӀишлош хургья кагирхошта лаьрхӀа, яхаш, дийцар ГӏалгӀай Республикан кагирхой туризма Министерствос.
«ГӏалгӀай Республикан кагирхой политикан, туризма Министерствон кулгалхочо Малсаганаькъан Адама, «Къона патриот» ГБУ кулгалхочунца Бохтаранаькъан Мадинайца, кхетаче йолаш техкар керда гӀишлош хьалъяра дола хаттараш. 100 сага лаьрхӀа ши модульни цӀа хьалде лаьрхӀад «Мехкадаьттхо» яхача ахкан лагере. Цо таро хулийт вай кагирхошта тайп-тайпара салоӀам лоаттабе, шоай кхоллама болх дӀабахьа», - аьлар хоамо.
Бохтаранаькъан Мадинас яхачох, «Авангард» яха дешара, дешара наькъий центр тӀема-дешар дӀадахьа вӀашагӀбеттабала а накъаяргья.
«Тхо хьожаш да кагирхошта кхерамзлен а пайдане а дола дешара хьал Ӏалашде. Со тешаш ва, модульни оала гӀишлош хьаяьчул тӀехьагӀа, патриотически кхетам балара болх а дикагӀа дӀагӀоргба кагирхошта юкъе», - аьлар Малсаганаькъан Адама.
