Спортсменашта гӀо лоаттадарах, дийцар республике
Паччахьалкхен болхлоша дӀайихьача кхетаче, физически культурахи спортахи йолча министерствон кулгал деча Белхарой Руслана белгалдир, Россе цӀихеза тренер яха цӀи лелаеча наха гӀо лоаттадарах долча закона юкъе, цхьацца хувцамаш доаладича дика хургдар, аьнна. Из хоам «Сердалога» бир цигарча болхлоша.
«Ший къамаьла юкъе, министра хьоахадир, дуккхача шерашка хьинаре къахьийгача наха малагӀча тайпара новкъостал лоаттадича дика хургдар. ГӀо де дезараш масса саг ва а, из мел ахча хила деза а белгалдир кхетаче», - йоах тхогарча хоамо.
Белхарой Руслана проектах, Ӏаьдалгара новкъостал доагӀарех хургба «Россе цӀихеза хьехамча», «Россе спорта цӀихеза говзанча»,
«РСФСР цӀихеза хьехамча», «СССР цӀихеза хьехамча» яха цӀераш лелаю нах. Мехкадаь администраце, паччахьалкхено из гӀулакх могадаь дӀатӀаийца моттиг таханарча дийнахьа вайцига мара яц.
