Гӏалгӏайче къовсам лоаттабу корса гаьнаш тедарца
Кердача шера денош хьатӏадоагӏаш, Гӏалгӏайчен ӏалама тарониий, экологен Министерствон, Шолжера, Наьсарера хьун боахамий болхлой геттара чӏоагӏа хьожаш ба хьунашкара хьал телха ца дайта. Керттердар - бокъонах доацаш корса хьу цӏай долаш цатедийтар.
Лаьрххӏа бола никъ биллаб хьуний боахамхоша, къаьстта цу тайпара гаьнаш ягӏача моттигашка.
Цхьана ха ду цу гӏулакха бехктокхаме йолча бокъонаш лораяра гӏулакха тоабаша, кхалений доазонаш тӏарча хьун доал деча администрацеша. Цул совгӏа, дӏахьош ба нахаца, из гӏулакх мегаргдоацилга хьалхадоаккхаш бола болх. Бокъонах ца доагӏаш уж гаьнаш тедарах административни а, уголовни а бехктокхаме оттаву», - аьлар «Сердало» газетага Гӏалгӏайчен ӏалама Министерстве.
Из беррига болх дӏахьош ба, цӏай долча деношка хьунашта зе дергдоацаш. Кердача шера наха дукхагӏа лелае еза наха шоаш хьаяь корсамаш, е лаьрххӏача моттигашка хьалкхеяь гаьнаш.
