«Россе эпсараш» яхача ООО оагӀон керда кулгалхо хьавовзийтар мехка
Вай мехка кхаьчар Россе Турпал, инарал-майор Липовый Сергей, инарал-лейтенант Михеев Анатолий, тӀема моттигашкара ветеран Щербинин Виталий. «Сердалога» из хоам бир Миннацо.
«Россе эпсараш» яхача юкъарча моттига республикерча оагӀон керда кулгалхо Галай Руслан хьавовзийтар цар», - йоах хоамо.
Цу оагӀонцара лоархӀаме болх СВО доакъашхошта гӀо лоаттадарца, царна терко ярца, кхувш латтача тӀехьен Даьхенцара безам, лерхӀам чӀоагӀбарца бувзабенна ба. Миннаца кулгал деча Мизенаькъан Руслана белгалдир, уж декхараш дизза кхоачашдеш, къахьега дезилга, царна боаггӀача боараме терко е езилга.
Баьхкача хьаьшаша гойтар, къона тӀехье ураоттаеш, лоархӀаме йола кердаяьккха программа. СВО гӀо деш бараш, доакъашхой белгалбир цу кхетаче. Галай Руслана эпсара сий лорадарах йола майдилг елар федеральни оагӀоно, ший декхараш дика кхоачашдарах.
Республикера «Россе эпсараш» яха моттиг дикка йоаржаяра, цун болх тоабара тӀехьа лоархӀаме да иштта терко яр. Даьхен гӀулакх лорадеш; денал, яхь, сий долаш къахьегаш бараш массахана белгала хургба.
