Лохера Пхьуй яхача гӏалай юрта, ланаш корадир археологашта
27.01.2026 10:11
Лохера Пхьуй яхача гӏалай юрта болх дӏахьош боахкача археологашта ланаш, иштта кхыйола аьшках хьаяь хӏамаш корайир. Из хоам бу гӏалаш меттаоттаяра «Тӏехьале» яхача ишколо.
«Тохкама болх ахкан хана дӏабихьар. № 4 йолча тӏема гӏала чура ланаш, иштта цхьа бӏарчча гурмат гобаьккха ӏургаш доахка герга аьшкаш корайир», - йоах тхога бенача хоамо.
Вайна ма харра, уж ланаш говрий когашта кӏалха детташ хиннад лоаман моттигашка царна юкъе кхертӏой чуухаргдоацаш. Историкаша дикка тохкаш латт уж хӏамаш.
