ГӀалгӀай мехка гойтаргда, Паччахьалкхен архиво кепа теха балхаш
24.06.2024 16:13
Ерача дийнахьа, къаман библиотеке гойтаргда ГӀалгӀай паччахьалкхен 100 шу дизара хетадаь, республикан архиво арадаьха балхаш, яхаш, дийцар «Сердало» газетага Къаман библиотеке.
«Кхетаче хьабаьхкача наьха таро хургья, республика отташ хиннача ханашца дувзаденна исторически хьал го. Цига хургья исторически проекташ. Царех я «Архива хоамаш» - 10-гӀа арахецар, «Терски областе 1886 шера Владикавказски куранна чуйоагӀаш хиннача юрташка баьхача дезалий пискаш» - VӀӀӀ том, «ТӀема, къахьегама, спортивни ГӀалгӀайчен сий» яха наха юкъе дика довзаш дола йоазош, «Уж лаьттаб лард кхоллача…» яха белггалара лостам бола ханорг - 2024», - йоах хоамо.
