Хица бувзабеннача тийшача балхах, 99 млн рузкъа диалга гучадаьлар Iаьдала
99 миллион сом совгIа рузкъа юкъехьош, хин тIагIолла дIадихьа зулам гучадоаккхаш болх чакхбаьккхар Республикерча Россе УФСБ. Тийшаболх дIабихьараш ба «Ингушрегионводоконала» ГУП кулгалхо, республикерча доалахьарча хIаманца, лаьтташца бувзабеннача оагIон министерствон болхлой. «Сердалога» из хоам бир Iаьдала болхлоша.
2023-ча шера ахкан тIехьарча бетта, бакъдоаца хIама юкъехьош, каьхат оттадаьд цар. Цу юкъеяхийтаяц ГIайрбик-Юрта, Юкъерча Ачалкхера, Илдарха-ГIалий тIара хий хьалу моттигаш; цул тIехьагIа, геттара лохбаьча маьхах коммерчески лоархIаш йолча моттига дIатIаязъяьй. Республиканна хинна зе 99 миллион сом совгIа да.
Тийшаболх чакхбаьккхарашта духьала гIулакх хьадийллад геттара доккха зе дарах йолча бокъон кIийлен тIа. Цу юкъе хиннарий гIулакх дIахо тохкаш ба тахан Iаьдала болхлой.
