Гучадаьхар ГКК кхачан продукташ эцача нийслуш дола кхоачамбоацараш
08.10.2025 14:45
Лоаман кадетий корпуса кхачан продукташ эцача даькъ тӀа нийслуш долча кхоачамбоацарех кхаьчача хоама ларах, ГӏалгӀайчен УФАСа аргӀанара боаца тохкам дӀабихьар, цига гучадаьлар закон толхадеш долга контракта даькъ тӀа. Цох хоам бир «Сердало» газетага цигарча зарбан болх лелабераша.
Уж кхоачамбоацараш хиларо хьакхеллар товар лоаттадеш болчарцара нийсхо йоаца хьалаш, дукхагӀча даькъе из ювзаенна яр кхыча мехкарча даарах тохаш долча тухаца.
«Лоткъам техкачул тӀехьагӀа, Урхаллен комиссе болх барах из лоткъам нийса хилар кхетадир, цох доагӀаш дола хьал хьалхадаьккхар.
Цу гӀулакха материалаш дӏаеннай бехкебараш гучабахара а административни бехктокхаме озара а», - аьлар антимонопольни гӏулакх леладераша.
