Чарахьал дара бокъонаш 31-зза толхаяьй вай мехка
24.06.2025 22:42
Чарахьал дара бокъонаш толхаеш дола 31 кхоачамбоацар гучадаьккхар Паччахьалкхен тӀахьожама болхлоша, 2025-гӀа шу доладелча денз. Из хоам «Сердалога» бир Ӏалама гӀулакхех йолча министерствос.
Ӏалама гӀулакхех болча министерствон оагӀон болхлой хьун моттигашта тӀахьожам беш, бокъо йоацача чарахьал де арабувлараш гучабоахаш ба.
Цхьацца оакхаритй лувца дагахьа наха гаьнех дӀадехкаш дола чӀегаш, Ӏоувттадеш дола сеткаш дӀадоахаш къахьег цар.
«Хьун моттигашка бокъо йоацар леладераш бехктокхаме озаргба РФ КоАП 7.ӀӀ-ча статьях, дизза гӀод токхаргда цар. Бахархошка хоам бу, хьун бокъонаш цалархӀарах дола гӀод 500 эзар сомагара кхы дӀахо хила йиш я, иштта шин шера Ӏаьдала болх бар, шин шера набахта валла ха тохар да цу юкъе», - белгалдир министерстве.
