Товар довзийта белгало йоацаш, хӀама дохка гӀертар соцавир
23.05.2025 10:59
Цхьаккха тайпара мухьар тӀаоттаданза йола хӀама йохка гӀортар соцадир ЖӀайрахьа кхалерча прокуратуран болхлоша. Из хоам «Сердалога» бир цу моттигера.
«Фермерски боахама кулгал деш волча вахархочо, Ӏаьдала бокъо йохаеш, цхьаккха тайпара махьар доацаш молаш долча хин шушаш кийчъяь хиннай йохка», - йоах хоамо.
Пхи литр чуйола 20 шуша я Ӏаьдала болхлоша дӀалаьцараш. Из гӀулакх Ӏаьдала бокъоно дӀадеххача тайпара дӀа ца дахьарах, бехктокхаме озаргва хий дохкаш хиннар.
