«Даьхе - вай» яха проект йоаржайир мехка
СВО ветераний Союза лаьрхӀа йола «Даьхе - вай» яха федеральни проект йоаржайир мехкарча хьинардараша. Из хоам «Сердалога» бир цу моттигера.
Кхетаче дакъа лоацаш бар шоай мехка истори довзараш, эздий кагирхой кхебара болх хьаллоацараш. «Даьхе-тхо» яхача тоабо дийцар, шоаш тахан дӀахьоча балхах, лаьрхӀарех. Вай мехкара болх вӀаштӀехьабоаккхача Коазой Лолитас хьоахадир, болх беча юкъа шоай кхоачашде аьттув баьннараш. Цо белгалдечох, вай мохк цу гӀулакха юкъебаха дукха ха яц; бакъда шоаш тӀатеӀӀа болх бе лаьрхӀа болга хьагойтад доакъашхоша. СВО Ерригача Россе ветераний Союза президента гӀонча волча, моттигерча оагӀон хьалха латтача Томбенаькъан Мовсара хьинардарашта доккха баркал аьлар, цар дӀахьоча балхах. ЛоархӀаме моттиг дӀалоацаш дар, шинна оагӀоно вӀаший хьаллоацаш, гӀо деш цхьана болх дӀабахьа лаьрхӀа чӀоагӀо яр.
