Доахан дукхагӀа хулаш латт мехка, хӀаьта коа тӀара оалхазараш кӀезигденнад
2025-ча шера наджгоанцхой, кӀимарса бетташ чулоацаш дӀабихьача тохкамо мехкарча юртбоахама хьал гойтар.
«Юртбоахама моттигаш, КФХ, бахархоша хьадоаккха беркат чулоацаш, 2025-ча шера наджгоанцхой, кӀимарса бетташ керте лоацаш дӀалаьрхӀача, 10 890, 3 млн сом ахча хул цу дерригнех хьахиннар. ДӀадахача шерара боарам теркалбича, 104, 6% я из», - йоах тхогарча хоамо.
Хьайбаш дебадара болх дикка тоабеннаб ала йиш я тахан. 2025-ча шера маьцхали бетта 1-ча дийнахьа дӀадахача шерара цу оагӀонцара хьал теркалдеш дӀабихьача тохкамо хьахьекхар 2, 1% (72715) доахан дукхагӀа долга, хӀаьта коа тӀара оалхазараш 28, 6%-га кхоачаш ( 357927) кӀезигденнад.
Дикка тоаденнад жа, гаьзарий дебара хьал – 1,7% (326073).
Шура, фуаш дукхагӀа да карарча хана мехка. Ма дарра аьлча, юртбоахама оагӀонцара хьал мехка тоалуш, айлуш латт ала йиш йолаш да тахан.
