Мехка паччахьалкхено беча хоамах, цу компане хьалхадаьккхар, кердача таронашца, олжа-Шахьара керттерча станце из хьаде, хин турбашка бӀехала тӀоа ца хилийтара лелаеш йола хлор а цу юкъе хургйоацаш. «Массаза леладеш долча наькъашка хьежача, из эггара дикагӀа ба, цун дикал хилар да, хин турбашка хий бехдолийташ цахилар, из цо дика цӀендеш а, хин чам цо лорабеш а хилар. Цул совгӀа, санитарно-лорадара доазув хила дезаш а дац хий цӀендара йола гӀишло оттаеча даькъ тӀа, цудухьа цо 2-3-за дукхагӀа пайда бахь, хӀана аьлча цунга дӀадодар кӀезигагӀа да»,-аьлар «ЦӀеча седкъан» викало. Хий цӀендара йолча модульни оалача станцена чудоагӀаш да хий цӀендар, молаш дола хий кӀаьдагӀа хилийтар, цо таро хулийт 25 эзар кубометр денна-бус цӀена хий лоаттаде. Паччахьалкхен кулгалхочо белгалдир, бахархошта молаш дола цӀена хий хилар, из керттера декхар да, аьнна. Цо иштта белгалдир, мехка аргӀ-аргӀагӀа хий хургдола болх дӀахьош хилар, цу юкъе карарча шера 50 эзар метр хин турбаш хийца хилар. «ХӀара шу мел доал, бахархошта хий дукхагӀа эшаш хул. Оаш из хаттар кхоачашдеш хилар, экологе оагӀорахьа йоккха тӀехьале я. Республике из проект юкъейоалае таро хуле, цо дика таронаш лургья», - аьлар Сластенина. Республикан бюджете из проект кхоачашъе ахча цахилар белгалдеш, Сластенина энергетикан, ЖКХ министерствонна тӀадиллар, из технологи юкъеяккхар, бюджетера доаца ахча лахар, аьлар ГӀалгӀайчен кулгалхочун, паччахьалкхен зарбан болх лелабераша.