Наьсарен кхале СВО доакъашхой бераш, да-нана доаца бой гӀаддигар
Наьсарен кхален культуран ЦӏагӀа дукхача хана денз сатийса «Кердача шера» фаьлг яха цӀайна гойтам хилар, цо таро елар берашта бокъонца йола фаьлга тамаш го. Цига керттера хозал хилар берашта лаьрхӀа вӀашагӀъелла иллиалархой кружока доакъашхоша гойта эстрадно-джазови иллей программа. ГӏалгӀайчен халкъа артиста Хулаганаькъан Артура гойтар дакъа лоацаш хиннарашта ший балха говзал, начӀал; цига мел хиннарашта дицлургдоаца цӀай дир цо.
«Цӏайна кеп хьакхеллар Гӏор-Даде, Лаьлига. Берий чӀоагӀа дог гӏоздаьлар уж бӀаргабайча, уж тешаш бар кердача шера деррига кхоачашхургхиларах. Къаьстта лоархӀаме дар цига Наьсарен кхален викалаш хилар. Хьаьший цига баьхкар, керда шу хьатӀадоагӀаш, ГӏалгӀайчен Кулгалхочунгара, иштта Наьсарен кхален администраце кулгалхочунгара берашта совгӀаташ далара. Уж дӀакхаьчар бошта, СВО доакъашхой берашта. Ловца боаккхаш, царца къамаьл дир Наьсарен кхален администраце кулгалхочун декхараш кхоачашдеш волча Исмейланаькъан Т., иштта вахара отдела кулгалхочо Саганаькъан М.», - аьлар «Сердало» газетага Наьсарерча РДК.
Кердача шера луш долча совгӀаташа берий дегаш хьаьстар, хӀаьта концерта дукха дика моттигаш дагахьа йитар царна, из хургда царца бӀарччача шера.
