Ялат чуэцача, цӀерцарча кхерамзлен гӀулакх лорадеш ба мехка
26.06.2025 09:20
Минсельхозе дӀайихьача кхетаче гулбелар ГУПашкара кулгалхой, МЧС къахьегамхой, Россельхознадзора болхлой. Дувца оттадаь керттера дош - ялат чуэцача хана цӀерцара кхерамзлен хьал лорадар, цу оагӀонцарча балха тӀахьожам лоаттабар.
МЧС болхлоша аренашка къахьегарашта хьалхадаьккхар фийла хила безилга; цӀаьхха, цӀи яьнна болх хуле, цӀи йоаеш дола гӀирсаш кийча хила дезилга. Гулбеннараша теркалдир, ший ханнахьа терко еш хӀама лорадаро хатараш кӀезигагӀа хулийтилга.
Цу оагӀонцара болх тахан лоархӀаме ба!
