ГӀалгӀай мехка бехктокхаме эзар ПДД телхаяьча кӀаьнка да
ГӀалгӀай Республике полице болхлоша административни бехктокхаме эзар 42 шу даьнна вахархо, цо транспорт ший 13 шу даьннача кӀаьнкага дӀаяларах. Цох дийцар «Сердало» газетага ГӀалгӀай Республикан бокъонаш лораяра болхлоша.
«Кораш баьддаь йола Ladа Granta яха автомобила водитель, Наьсарен кхале гӀолла йолча ОМВД ОГИБДД наькъа-патрульни болхлоша зийра Сурхо тӀа Овшанаькъан Товсолта цӀерагӀча урам тӀа. Каьхаташ нийса дий хьажа из соцаве лаьрхӀа, чӀоагӀа къамаьл деш йолча рупорца шоашта могар дир, бакъда из кхы а сихагӀа машин лаьлла, наькъа бокъонаш телхаеш дӀавахар, юха ца соцаш, къайлавала дагахьа», - йоах хьабайтача хоамо.
Наькъа ха ду болхлой цунна тӀехьабахар, ДПС болхлой цун машина чархашта герз тоха дезаш хилар из соцаве.
Цу тайпара эттача хьала чаккхе еш, полице лаьрхӀар из машина цунга дӀаеннача даьна протокол оттаде РФ КоАП 3 даькъа 12.7 статьях. Даьца а воӀаца а наькъа бокъонаш телхаярах дола къамаьл хилар.
