Бусалба а кераста а наьха кашамаш тоадеш латт мехка
Бусалба наьха, кераста наьха кашамаш тоадеш болх ба мехка дӀахьош. Укх шера 28 моттиге къахьегаш боахк республике. Царна юкъе я БурокӀалхе, СурхотӀе, Эккажкъонгий-Юрт, Аьрште, Берда-Юрт, ТӀой-Юрт, Наьсаре, МагӀалбик. Иштта тоадеш латт Р-217 «Кавказ» яхача наькъа 8-ча км дола кашамаш.
«Хьалха хинна кашамаш тоадарал совгӀа, кердадараш хьадеш боахк Берд-Юрта. Белгалде деза, цу юртарча бахархоша укх 25 шера шоай байнараш лоалахарча юрташка дӀабийхкалга. ТӀадоагӀача шера, дикка кулг тохаш, тоадергда ЖӀайрахьа кхалерча моттигашкара 37 кашамаш, 2026-ча шера тоаде лерхӀ Пригородни кхален моттигашкара кашамаш.
ДӀадахача шера тоадир тайп-тайпарча юрташкара 42 кашамаш. Из лоархӀаме проект вай мехка дӀахьош волча Гуцаранаькъан Микаила доккха баркал ала лов сана», - яздир ший телеграм - оагӀон тӀа Келаматанаькъан Махьмуд-Ӏаьлас.
Кашамаш дола моттигаш хила боаггӀача боараме тоаяр; хам баь варгвоацаш доккха, беркате гӀулакх да. Керда карташ, коанаӀраш оттаеш, машенаш Ӏоувттае доазув къоастадеш, боккха болх ба дӀахьош латтар.
Белгалду, шин шера вай мехкара деррига кашамаш тоадаь хургда, яхаш.
