«Хьай да-нана музее доаладе» яха болам ба мехка дӀахьош
Мехках баьха хиннача наьха Мемориальни комплексе дӀахьош «Хьай да-нана музее, театре, концертий зале доаладе» яха ерригача Россе болам ба. Дезала юкъера Ӏадат чӀоагӀдара тӀехьа, культураца двзаденнараш хьаллацара тӀехьа дӀахьош ба болам. Пушкина карта дараш маьха чухьнахьа боалабе йиш йолаш ба шоай цӀагӀара нах цу моттигашка. 14 шергара 22 шерга кхаччалца болча кагирхой, цу программага гӀолла самукъадоалаш ха дӀаяхьа аьттув ба шоашта безарашца.
«Болама доакъашхошца оаха экскурси дӀахьоргья «Иштта дар из. ХХ-ча бӀаьшерен хьалхарча юкъа хинна репрессеш», «ГӀалгӀай викалаш - Туркий мехка», «Ноахала юкъе турпалал доаржадар» яха оагӀонаш чулоацаш», - дийцар «Сердалога» цу моттиге.
Ер бутт юкъекхаччалца, латтаргба бахархошта дукха хӀама довзийташ бола болам.
Пушкина картага гӀолла ийца къонабарашка билет дале, 10% чухьнахьа ба даьна, нанна эцача билета мах. Шийгара билет кассе вагӀачунга дӀахьокха деза цо.
