Тайпай тӀема гӀалаш (вӀовнаш) йовзийт республикан бахархошта
13.06.2024 10:23
Даьшкара хьакхаьчача вӀовнех дувцаш бола болх дӀахьош латт, мехкарча кабмина сайте. Из хоам «Сердалога» бир паччахьалкхен зарбан болх лелабераша. Укх наькъа хьокха оттадир 1926-ча шера лоаман моттигаш тахка вай мехка кхаьча хиннача Семенов Леонида даьккха ВӀовнашке яха сурт.
«ВӀовнашке духхьал гӀала хинна Ӏац, Оздой тайпан дог да из, цар Даьхе я. ЦӀихезача Магой овлан тӀара хьаваьнна хиннав из тайпа хьадоладенна Цикким. Массехк бӀаь шу хьалха Эса аьтта оагӀонгахьа ваха хайна, эггара хьалхара вӀов хьалъяьй цо.
ГӀалаш тоаеш, шоай хьалхара куц царна луш, боккха болх ба республике дӀахьош. Ӏилманхоша, лоаман моттигаш тохкаш лийннараша, иштта кхыбараша шоай хана даьха сурташ тахан чӀоагӀа лоархӀаме долаш накъадоал вайна.
