Наьна мотт вахаре чIоагIбеш къахьег
ГӏалгӀай мехка наьна меттацара, исторецара безам совбоалаш боагӀа. Иштта ГӏалгӀай республикан Ерригроссийски къамашта юкъерча кагирхой союзо; арахьарча бувзама, къаман политикан, зарбан, хоамий Министерствос хьал а лоацаш; студенташта юкъе дӀайихьар лаьрххӀа йола дешара викаторина, яхаш, хоам бу «Сердало» газетага цу моттигера.
«Шоашта ховш дар совдаккха, дика говзал Iомае таро хилар цига Ставрополерча лорий, балха технологей техникума 25 дешархочун. Кхелахоша яхачох, викторина дӀахьош берашта юкъе яхь яьржар. Цига котъяьлар «Аьрзи» оала тоаба. ШоллагӀа, кхоалагӀа моттигаш йийкъар «Берза дог», «Чаборз» цIераш йолчар», - йоах хоамо.
«Дика хет, гӀалгӀай мотт ховш хила безилга тахан дукхача наха кхетадеш хилар. МоллагӀча вахарерча хьале, шийна хетар нийсса дӀаала ховш хилар, ший къаман Ӏадаташ лорадар, из вай вахаре ца хилча даргдоацар да», - аьлар из болх вӀашагӀбеллачарех цаI волча Келиганаькъан СаIида.
