«РоскагирхойГранташ» яхача моттига гӀо деш, дӀахьош «Сатувсар кхоачашхилар» яха проект я. Из хоам «Сердалога» бир цу гӀулакха хьалхалаттараша.

«Доккха дакъа лаьцад цу юкъе гӀо деш леларий оагӀон доакъашхоша. Мехка бахархошка цар дувц, Даьла духьа цӀий дӀачутелар мел дегӀа дика, пайдане хӀама да. Кагирхоша хьалхадоах, цӀий дӀачудала кийчлуча хана, дӀачуденна ваьлча лораде дезараш», - йоах тхогарча хоамо.

«Сатувсар кхоачашхилар» яхача проекто паччахьалкхен, юкъарча балха моттигашта, гӀо деш леларашта, лорашта юкъера бувзамаш чӀоагӀду, шоайла вӀашкаоз.