ГӀалгӀай меттах йола проект дӀахо а кхоачашъеш я

«ГӀалгӀай мотт йовхьамашкеи дешашкеи» яха проект кхоачашъеш, Магасе дӀайихьар шахьара доазонашка кийчъяь яхь. Из хоам «Сердало» газетага бир яхь хиннача моттигера.
«Ерригроссийски къамашта юкъерча кагирхой цхьанкхетара моттигерча даькъа викалаша кийчъяьча яхьо хьагойтар, ишколе Ӏомаяьча меттах йолча программо а литературо а къовсабеннарий дагахьа фу дитад. Юххьанца доакъашхошта тӀадилла декхар дар; дешаши дешай цхьанкхетараши наьна меттала дахарца дувзаденна. ШоллагӀа бӀал болаш, цар дувца дезар къаман исторех, культурах, литературах лаьца», - йоах тхогарча хоамо.
Цу яхьа юкъе хьалхара моттиг яьккхар Магасерча дешара Центра бераша. Из котало яккхарах, муниципальни бӀала юкъе дакъа лаца таро я цар.
Белгалдаккха деза, тха газето хьалха хоам баьбар Наьсарерча дешара моттигашта юкъе из болх дӀаболабаь хиларах. Цох лаьца дувцаш, Ерригроссийски къамашта юкъерча кагирхой цхьанкхетара моттигерча даькъа кулгалхочо Оздой Инала белгалдаьккхар, къаман Ӏадаташ лорадар лоархӀаме гӀулакх долга. Цунна хетачох, ювцаш йолча проекто дика лар ютаргья къаман мотт боаржабеча, культуран тӀехьале лораеча даькъе.