«Турпала никъ» яха программа я мехка йоаржаеш
Донбассерча тӀема операце ветеранаш мехкарча цхьацца доал дара моттигашка балха дӀаэцарах йола «Турпала никъ» яха программа я мехка дӀахьош. Паччахьалкхен моттигашка боаггӀача боараме болх дӀабахьа говзал йола нах ба хьахоржараш. Республикерча тайп-тайпарча моттигашка ха дӀахьош, балхацара гӀулакхаш Ӏомадеш хургба уж программага диллача. Шоай гӀулакх дика довзача болхлоша ха дезараш хьалхадоахаш, дукха хӀама Ӏомаде аьттув ба цар. ХьатӀабоагӀача тов бетта 15-ча денга кхаччалца дӀахьоргда из гӀулакх.
«Программа юкъе дакъа лацар мел аьттув болаш да хьагойташ ва, мехкарча машиний наькъа гӀулакхех йолча Министерстве болх Ӏомабеш вола Местой Мухьмад. Къонача болхлочун оагӀув хьаллоацаш, ха дезараш довзийташ ва Хаматханаькъан Батыр», - дийцар «Сердалога» цу боахаме.
ХьатӀабоагӀача беттарча 15-ча дийнахьа, дӀахохьоргда из гӀулакх лекцеш, балхацара семинараш юкъелоацаш. Программан доакъашхоша дикка Ӏомадергда, мехкара вахара-экономически хьал тоадеш кхоачашде, ха дезараш. «Турпала никъ» яха программа тахан лакха лоархӀаш я берригача мехка. Наькъий гӀулакхех йолча
Министерстве дог тийша ба, программан доакъашхоех шоай декхараш дизза кхоачашде говзал йола болхлой хургхиларах. Аьттонца, беркатаца шоаш лаьрхӀачунга кхача даькъалабувц цар мехкахой.
