Паччахьалкхен филармонена лаьрхӏа, керда гӏишло хьалъеш латт вай мехка
Паччахьалкхен филармонена лаьрхӏа керда, йоккха гӏишло хьалъеш болх ба тахан Магасе дӏахьош. Кхоллама оагӏонца къахьегарашта, иштта бахархошта боккха аьттув луш моттиг хургья цох, тоаяь яьлча.
«Культура» яхача къаман проекта чуйоагӏаш йолча «Культуран оагӏув» яхача федеральни программага гӏолла дӏахьош болх ба из тахан.
«Вай мехка боккха лерхӏам болаш проект я из. Мехкара культуран хӏама тоадара, айдара тӏехьа боаккхаш лоархӏаме гӏа ба керда гӏишло хьалъяр. Кхоллама проекташ йоаржае артисташта, кхыбарашта мел эшар хургда цу чу.
Кхолламца дувзаденнараш дезаш мел бараш тӏаозаш моттиг хургья,аьнна, хет сона цох», - дийцар «Сердалога» Паччахьалкхен филармонена кулгал деча ӏаьленаькъан ӏайнас.
Кердача филармоне болх ма хетта дӏагӏоргба. Деррига керте оттадеш, кхолламца къахьегаш барашта эшар, дезар теркаме лоацаш, дӏахьош боккха болх ба из.
